تصوير – رجا ماضي
“مرحبا محمد ألف مبروك يا حلالي و يا مالي، هالغنية اللي عم بتلاقي نجاح كتير كبير، شو بتخبرني عن هيدا النجاح”
” أهلا اهلا فاديا و اهلا بفلسطين #442#” و قالها بإبتسامة جميلة ” أول شي الحمد الله رب العالمين على هالعمل اللي كان رائع بحب الناس و تعليقاتن على سوشيال ميديا و اليوتيوب و الحمد الله بأقل من 3 أيام تخطى كليب يا حلالي المليون و الحمد الله هذا نجاحي وصلني من الناس و ما بدي اكتر من هيك و هذه الشغلة اللي انا مبسوط فيها ان شا الله دايما منقدم شي حلو و جديد صراحة مش بس انا نجحت و لكن كلمات الغنية أكيد للشاعر نزار فرانسيس و الحان رواد رعد و توزيع طوني سابا يعني كان العمل بروح الفريق للمرة التانية عم إتعامل معن و أنا بشرفني إتعامل معن تالت و رابع و خامس و سادس و مستعد إتعامل معن كتير لأنن كبار فنيا و أخلاقيا و خبرة كبيرة، يعني عندك الأستاذ نزار ملك الخبرة”
“محمد اليوم نحنا بالاوستوديو عند طوني سابا و نزار فرانسيس و الموسيقار ملحم بركات، شو بتخبرني عن هالعمل اللي رح يجمعك مع الموسيقار ملحم بركات، هل إنت خايف من هالتجربة؟؟”
” يعني صدقا شرف كبير إلي إني إشتغل مع الموسيقار ملحم بركات، خليني أقلك إنو أول مرة رح إتعامل مع موسيقار كبير مثل ملحم بركات، يعني في نوع من الرعبة ، خاصة إنو رح يكون موجود خلال التسجيل معنا، بتعرفي هذا العملاق ملحم بركات ، شوفي أنا يعني متحمس كتير لأخضع لهالتجربة أكيد”والاغنية بعنوان شو بتخبرونا
” محمد شو بتوجه كلمة للموسيقار ملحم بركات؟”
” شو بدي قلك عن هذا العملاق ملحم بركات، إنتا حبيب الكل”
” و شو بتقول لنزار فرانسيس؟”
” هون إنتي فاديا عم بتحطيني بخانة غير شكل، خليني أقلك أستاذ نزار قبل كل شي ما بدي يزعل مني انا بعتبرو بمقام والدي…”
فرد أستاذ نزار مازحا :” يا حبيبي يا محمد”
عساف: ” التعامل معه كتير رائع، هو شخصية مميزة، هو مش مجرد شاعر، يعني بعض الاحيان الناس بتسمع كلمات أغانيه بس ما عاشرته كشخص، هو بالجلسات قصة و الاشعار اللي بيكتبها في كتير ناس ما بتعرفها، معليش أستاذ نزار لو وصفتك واحد من الفلاسفة ، من دون مبالغة زلمة رائع من كل الجوانب و #442#” تليها إبتسامة ثلاثية من طوني سابا ، نزار فرانسيس ومحمد عساف
” محمد، إمتين رح ينزل ألبومك عالسوق و هو من كلمات و الحان مين؟؟، و كم غنية بيتضمن؟”
” ألبومي رح ينزل بعد رمضان مباشرة، و الألبوم بيتضمن 12 غنية ، 10 جداد و اللي نزلوا، في خليجي، مصري، فلسطيني، عراقي، لبناني و خليني أقلك إنو الأعمال اللبنانية أخذت حيز أكبرز شوفي يعني زي ما منقول توليفة متنوعة الألبوم” . ” رح أقلك البعض حكالي آخد جانب واحد، و أنا ضد هذا الشي و ما زلت مصمم لأني أنا حابب أخوض تجارب جديدة ما عندي مشكلة إنو أغني بعدة لهجات، أنا بحب هيدا الشي، حاولت قدر الإمكان إنو يكون الألبوم منوع يعني نحنا منحط اللمسات الأخيرة ، 80% منو صار جاهز”
” محمد كم فيديو كليب رح تصور من الالبوم؟”
” رح نصور 2 من الألبوم و الألبوم كلو رح يتصور بطريقة جديدة”
” محمد عم يتفكر تصور شي بفلسطين؟”
” أكيد طبعا عندي اغنية فلسطينية وطنية من كلمات الشاعر سائد السوبركي، فلسطيني من غزة، و ألحان ياسر عمر، هو من غزة أيضا، أغنية كتير جميلة بتحكي عن الارض عن القدس. أتمنى إنو أصورها بفلسطين الحبيبة”
“محمد شو بتقول لكل اللي بحبوك؟”
” بتعرفي صعبة كتير أقلهم شي, صدقيني أصعب سؤال، أديش بدك تشكري هدول العالم، صعب تعطيهم حقهم، مش مجاملة أو شعار أو بدي أضحك عليكم بس فعلا بعجز إنو أشكر هدول الناس”
” محمد عساف وين بعد لبنان، شو هي مشاريعك؟”
” طبعا بعد لبنان طالع عالأردن، و بعدها عندي إفتتاح مهرجان موازين 30\5 و مهرجانات جرش 19\6 و بداية شهر 5 عنا جولة للمرة التانية بأميركا و كندا ان شا الله و مجموعة من الحفلات بالوطن العربي. في حفىت كتيرة صراحة و للمرة التانية فاديا حصرية لإلكم إنو أنا لحد نهاية ال 2014 فل حتى حفلة رأس السنة إنحجزت من شهر تقريبا و رح تكون بلبنان ان شا الله . و عيد العشاق 2015 رح يكون بلبنان، أنا ما بدي أحسد حالي بس لنص السنة الجاية انا ممتلىء بالحفلات “
محمد أنا طبعا بدي أوجه تحية حب و تقدير لوالدك بفلسطين، بدي إتمنالو الخير و التوفيق و الصحة، بحديث مع والدك سألته عنك و سالته عن محمد عساف، و قلي :” بكل ثقة مش لأنو إبني، محمد ما إجا قبلو و لا رح يجي بعدو!”
” شو بترد عوالدك؟”
بإبتسامة مليئة بالحب و التقدير قال عساف: ” هذه شهادة بعتز فيها شو بدي أقلك يعني هو تاج راسي، تعب كتير علي، رباني و علمني و خلصت جامعة و صرت إنسان محترم بالمجتمع كلو بفضل أبوي، يمكن على موضوع إنو ما رح يجي بعدي و لا إجا إبلي، أنا بقلو بيجي يابا، الدنيا دايما بتمشي، ما حدا أحسن من حدا، أنا هيدي قناعتي مقتنع فيها تماما، يعني هذا وسط كبير و ملعب كبير، كل واحد بياخد وقتو، مش حناخد وقتنا و وقت غيرنا”
” محمد شو بتقول لشارع الفن؟”
” بقولكم إنتو شارع الفن، شارع الفنانين و ان شا الله بكون إلكم بصمة في عالم الإعلام و بتمنى إلكم التوفيق و النجاح و تكونوا دايما معنا و أدامنا و بدي قول موقع شارع الفن من أهم المواقع و عندو مصداقية بالاخبار الفنية و على فكرة انا من قراء الموقع و المعجبين فيه، و تحية كبيرو اكيد لمدير الموقع جان فريسكور حبيبي” ” و فاديا يا بنت بلدي فلسطين بدي أقلك الله يعطيك ليرضيك، في أحلى من هيك و 442 ، محمد عساف”
