إفتتحت أمس بمنتجع تيروس السياحي أولى حفلات الربيع مع النجم أيمن زبيب الذي جعل المنتجع يضج بالساهرين الذين تهافتوا لأخذ الصور مع نجمهم المفضل. و ما أن أطل النجم أيمن زبيب حتى تعالت الهتافات و بعض كلمات اغانيه على ألسنة المعجبين الذين استقبلوه بالتصفيق الحار المتواصل لحظة اعتلائه خشبة المسرح. وطوال ساعات أبهر الحاضرين بصوته العذب و أغانيه الرنانة و ساد في الاجواء جو من الفرح و الرقص و الإعجاب. و قد كان من بين الحاضرين الفنان المتألق نجم الكوميديا “أبو طلال” و الفنان القدير “رفيق خليفة” و نجم أوستوديو الفنان “سمير يوسف”.
و في حديث لقاء خاص لموقع شارع الفن، تحدث ايمن زبيب عن:
” أيمن، كيفك؟ و الحمدالله عالسلامة!!”
” حبيبتي بحبكن كتير شارع الفن و أنا دايما معكن و أتابع أخباركن”
” أيمن، متل ما عرفنا بعدك واصل من السعودية عالجنوب دغري؟؟”
” إه هلأ واصل و رح خلص الحفلة أربع ساعات و بعدها عالسويد”
“أيمن تعودنا عندك مفاجآت كتير، خبرني”
” فاديا،أنا عنديtour كتير حلو: السويد، دبي، أبو ظبي، و بعدين برجع عالسويد ب 3/5/2014 و أكيد بعدها في جولة بدول عربية و أوروبية ما رح نذكرها”
” شو جديد أيمن اليوم، و وين صار الألبوم؟”
” هيدي الصيفيةرح ينزل ألبوم و هو خلص بس الظروف اللي كنا فيها أخرتنا شوي و لكن هو جاهز. يمكن يكون ضرني شوي ما بعرف بس أنا مخلص بحدود 30 غنية رح ينزل هلأ 12 أو 13 منها، الإنتاج ل”روتانا” رح تنزل قريبا عالصيف إن شا الله”
” غيابك عن لبنان طول كتير، يا ترى شو السبب؟”
” بظل الظروف اللي مر فيا لبنان و الظروف الصعبة اللي كانت خلتني غيب عن لبنان حتى إقدر خلص الألبوم و إلتقي مع جمهوري الحبيب و ان شا الله بتهدى الأمور و نلتقي مع جمهورنا الحبيب عن قريب، و هيدي شغلة مش غريبة عالجمهور اللبناني اللي بيستقبلنا دايما رغم كل الصعوبات و المشاكل بضل يشعرك بالفرح و الأمل”
” شو سر حبك للجنوب؟”
” أكيد أنا بحب كل ابنان و كل شعبه بس منطقة الجنوب إلها معزة خاصة بقلبي، فيا أيام الولدنة و الصبا و الشباب و الأهل و الأصحاب”
” أيمن شو بدك تقول للجمهور عبر موقع شارع الفن؟”
“رح إوعدن بCD جديد كتير رح يعجبن و كمان في ديو مع نهوى”
