باييلا إسبانية

المكوّنات
٣
200 غم روبيان حجم كبير غير مقشور
100 غم بلح البحر طازج
200 غم كلماري مقطع مربعات
200 غم روبيان مقشر
كوب و نصف رز حبة طويلة
السوفريتو (تقلية المطيبات)
0.5 بصلة مفرومة ناعم
2 فص ثوم
0.5 حبة فلفل حلو اخضر مفروم ناعم
1/2 كوب عصير طماطم
3 كوب مرق سمك (الطريقة في وصفاتي) او حسب حاجة الرز
3 ملعقة زيت زيتون
2 ملعقة صغيرة بابريكا مدخنة
1 ملعقة صغيرة كركم
ملح حسب الحاجة
الخطوات
بنقلي البصل و الثوم مع الزيت حتى يصبح ذهبي، بمزيد الفلفل الأخضر و الكلماري و الروبيان (القريدس) المقشر و نقلب لمدة 3 دقائق على نار متوسطة

بنضيف البابريكا و الكركم و بنقلب 3 دقائق كمان، بعدين بنضيف عصير الطماطم و بنقلب كمان حتى الطماطم تسخن مع باقي المكونات (ممكن نضيف ملعقة معجون طماطم). بنضيف الأرز المنقوع و بنقلبه مع الخلطة و بعدين بننزل بمرق السمك السخن كمية مناسبة للأرز (الرز اللي استعملته بدو كاسة و نص ماء لكل كاسة رز)

بنغطي الرز و بنخفف الغاز و نتركه يستوي ١/٢ المدة، بعدين بنفتح عليكو بنضيف بلح البحر و الروبيان (القريدس) بشكل مرتب على الوجه و بنغطي لحتى يستوي. يقدم مع عصرة ليمون و مخللات و “اليولي” اللي هو عبارة عن ملعقتين مايونيز و نصف ملعقة بودرة ثوم و نقطة حامض