Home مواضيع هامة نجوى كرم تتأثر و تبكي في برنامج علمتني الدني عبر شاشة ام...

نجوى كرم تتأثر و تبكي في برنامج علمتني الدني عبر شاشة ام بيسي

45780
0

اطلّت شمس الاغنية اللبنانية نجوى كرم عبر شاشة ام بي سي ضمن برنامج علمتني الدني , اطلعت فيها جمهورها على مسيرة حياتها مختصرة ايّاها خلال ثلاثة عشر دقيقة 

بلشت من حلم و رح احلم لابقا … هيك علمتني الدنيي , نجوى كرم

بلشت حياتي بالحلم متل كل حدا , حلمت , وايلبي بيحلم وحدو بيصنع مستقبلو , صدقت حلمي و مشيت ورا , سنة ال 94 حلمت اني طايرا بالفضا مع النجوم , لابسي فستان ازرق مرصّع كلّو بالنجوم و عم برقص و بتراقص و بتمايل بين نجمة و نجمة

وبلشت معركة النجاح , نفّذت الفستان فعلا بتفاصيلو , لبستو و غنيت في على اهم المسارح وكانت حفلة من العمر , صارت علاقتي اقوى مع النجوم و بدور حوار بليلة صيف بيني و بين نجمة كنت ضوفا بتبرق وبتشع و بتوهج اكتر من غيرا , صرت قول شو هل علاقة اولكن انا عم شوفا هيك عم تبرق غير غيرا , اقوى من غيرا ؟ لمعانا واضحلي اكتر , اكيد في شي , لازم يكون في شي بيني و بينا . ليش ؟

لانو كنت اسمع كتار جدودي كانو يقولو , نجمو خفيف , نجمو لامع , نجمو تقيل , نجمو محبوب , فعرفت انو في علاقة بيننا و بين النجوم

بلشنا نطبق و تعلمت من التطبيق و العمل على الارض شو يعني على حجم يللي بدي اخدو من الدني , لازم تكون الفاتورة

من بداياتي تعلمت اخد القرار وتحمل نتايجو لانو نحن وضغار منربا بمجتمعنا انو دايما حدا بياخد قرار و يتبنّا عنّا و منصير مع الوقت نتّكل على هيدي الشي , لاء , تعلمت اني اخد القرار و اتحمل نتايجو

تعلمت من احلامي اني صدقا , تعلمت من خيبات الامل انو ما توقفني بمطرح , تعلمت انو متل ما النجاح ما بدوم , الفشل ما بيعدمني

تعلمت من ايا ظلم انو ما احقد على حدا لاني بامن بالعدل الالهي و ربي شايف و عالم و حقي بيوصللي ولو بعد حين

تعلمت من ايا سكعة اني اعرف اوقف وانهض من جديد , تعلمت من كل حب اتعرّف في على شخصية جديدة , اني اكتشف بشخصيتي جانب جديد

تعلمت انو الرجل و المراة لازم يكون حبّن مبني على ال 100 بالمية , اذا كان ناقصا الم100 بالمية شوي , بتبتدي خيانة حتى لو بتبلش اكيد بالفكر . تعلمت من كل نجاح انو يكون في قمة بس لما اطلع على هيدي القمة , اتطلّع لاقي في قمم كتير عالية , كنت خاف من الغرور , تعلمت اني اعرف انّي كمان بهل قمم لكتيرة . مش انا وحدي على الطريق

تعلمت من بيي القوة والاجتهاد و علمني انو اسمي ممكن يكون عقدة بالمستقبل لأيا رجل ممكن انو ارتبط في بيعتبر انو هل رجل بي يوم من الايام انو شو يعني , ولو كنتي نجوى كرم

تعلمت من بيي القوة والاجتهاد لاخر نفس

كمان علمني بيي انو كمان بالفن ناطرك صعوبات و مشاكل كتيرة , انا بدي عارضك كنت , كرمالك لالك مش لألي , لانو حتفقدي شي كتير ببساطة الحياة و مارح فيكي تعملي الاشياء يللي بتعملا كل بنت عادية

بس بدي قلك شرط واحد , بدو يضل الاسم مرفوع , كنا نمشي سوا يعيطولو لبيي يقولولو انت بيا لنجوى كرم ؟ , يتطلع فيي هيك بحرقا و بنغصة و يهز براسو و يقللي يا بيي شلحتيني اسمي

تعلمت من امي كيف بتكون التضحية , وشو اني اسلخا من جلدا , بيئتا , و محيطا و جيرانا و اهلا وانقل انا واياها مطرح تاني , كون جديدي في و وحاسا حالا لوحدا بوقت من الاوقات , وتقعد على شباك المطبخ , و تكون عم تبكي و تصير تغني لتسلّي نفسا

وبتتذكر كل يللي تركتن ببيئتا , علمتني الحياة , انو اسراري تضل بصندوقي الابيض , عمرو ما بيكون صندوق اسود , لما بتكون اسرارك حلوة ومبنية على ضمير و نضيفة وتضّلا فيك

و الذاكرة تعلمتا انّا اهم من النسيان , ما حدا يستغرب , لانو الذاكرة مبنية على كل شي اسمو ماضي , واللي ما عندو ماضي ما بيقدر بهل ذاكرة اللي حاملتو , يبني مستقبلو

تعلمت اني كون مرتاحة , نفسيا , يعني بفتكر ان هيدي اول خطوات السعادة , لانو توقعاتنا لكبيرة للسعادة , مش موجودة بسهولة مع الاشخاص الجديين و المسؤلين يللي بحبّوا يكونو نوعا ما ما عندن كتير اخطا

تعلمت انو كل مرا فينا فيا تكون حديدية بحياتا و بمصيرا و بقرارا , تعلمت اني غنيت من دون ما اعرف انو صوتي حلو , بس لرؤيتي انو لازم اخدم وطني برؤيتي و بهدف وكان صوتي قضيتي و هدفي

تعلمت من الحجر والازمة و التباعد , ولو انو بكرا مش واضح عليي كتير و الرؤية فيا ضباب , بس لازم يكون في بكرا و يضل في حلم تنقول انو بعد فينا مستقبل , تعلمت انو كل حدا مرق بحياتي , علمني درس من صداقة ومن وفاء او قلت وفاء , من عشرة وولاد اصل كانو حدي و كنت حدّن , تعلمت انو الانسان لأخر نفس , بضل في سبب لوجودو بهل حياة حتى يشتغل وينتج ويكون الا معنى حياتو ويعّلم بصمة بالحياة و يتعلم من الحياة

علمتني الدني انو ما فيي عيش بلا هدف كلوا ايمان ولو قد ما عانيت بالفن واشواكو حتى استمتع بعّزو وانجاحاتو

LEAVE A REPLY

Please enter your comment!
Please enter your name here