Home متفرقات توقعات ابراج شهر اذار 2019

توقعات ابراج شهر اذار 2019

189
0

بـــــــــــ الحمل ـــــــــــرج
مع بداية هالشهر رح تنشغل بأمورك العاطفية وتنتبه لأحوالك الشخصية قلبك بيخفق وبتكون علاقتك مع الشريك عميقة وممكن توقع بالحب والغرام اذا كنت عازب وبتكون اجتماعي ومندفع بتأجل بعض الأعمال الي عم تقوم فيها بسبب ظروف بتحطك تحت الأمر الواقع . بعد منتصف الشهر رح يبدأ ضغط العمل عندك ورح يكون عندك تحركات إيجابية ممكن تبدا بمشروع جديد ورح تبذل مجهود كبير . في فرص كبيرة بالعمل وربح بالتجارة او ممكن توقيع عقد وظيفة جديدة كنت ناطرها . الوضع المالي مع بداية الشهر رح يكون شوي صعب وعندك إلتزامات بالدفع وشراء اشياء جديدة إلك او لبيتك بنهاية الأسبوع الثالث ممكن يوصلك مبلغ مالي جيد نتيجة تعبك وجهدك السابق
طاقة_ برجك هالشهر 74 % 

 
بـــــــــــ الثور ـــــــــــرج
بتتميز هالشهر بأفكارك الجديدة الي عم تكون من صنع خيالك وعم تخلق أجواء إيجابية مع الحبيب لكن اللقاءات الغرامية رح تكون بنهاية الشهر ورح تشعر بالاستقرار العائلي والعاطفي رومنسية الحبيب عم تنسيك بعض الهموم وعم تقدر تواجه عقبات الحياة الي بدك تمر فيها بنهاية الشهر . الأفكار الي رح تقولها رح تنفذها ورح تبدع بمجال عملك خلال الأسبوعين الأول والثاني وممكن تحصل على أرباح مالية كبيرة من صفقة تجارية، بعد منتصف الشهر لازم تكون حذر ببعض القرارات الي بدك تاخدها وحاول تبتعد عن الأجواء السلبية حتى ماتورط حالك بمشاكل انت بغنى عنها . الأمور المالية رح تكون جيدة ومستقرة مع بداية الشهر وممكن تشتري تليفون جديد او قطعة اثاث لبيتك استغل الفرصة خلال الاسبوع الثاني وتجنب المشتريات الكبيرة مع نهاية الشهر لأن رح يكون عندك إلتزامات مستعجلة للدفع
طاقة_ برجك هالشهر 70 % 

 
بـــــــــــ الجوزاء ـــــــــــرج
اهتمامك عم يكون محصور ضمن العائلة وعم تفكر بطريقة لزيادة مدخولك ومردودك المالي ممكن تشتغل لساعات طويلة خلال الأسبوعين الاول والثاني رح تمر عليك أيام تشعر بالإرهاق والتوتر وتحتاج لفترات من الراحة . علاقاتك العاطفية رح تزدهر منتصف الشهر ورح يكون الشريك متعاطف معك ويشعر بتعبك رح يعطيك الدعم والحماس لتقدر تقاوم الظروف احتفظ بأسرارك ولاتخلي حدا يدخل بينك وبين الشريك ويخرب العلاقة .مع نهاية الأسبوع الثالث رح يكون عندك حركة سفر ومشاوير للطبيعة بترتاح أعصابك وبتتجدد حيويتك . بتقوم بعدة اعمال وتبدو نشيط ممكن تخلص بعض الاوراق الرسمية او تنهي اوراق عقارية . ماليا مصاريفك عم تزيد وتكبر ومش قادر تعمل سيطرة على صرفك مبلغ مالي ممكن يوصلك بالاسبوع الرابع وتتمكن من سد ديون ودفع فواتير وإلتزامات مالية
طاقة_ برجك هالشهر 69 % 

 
بـــــــــــ السرطان ـــــــــــرج
بتواجه صعوبات وتحديات خلال الاسبوع الاول من الشهر الامور رح تكون معاكسة معك لازم تطول بالك وتفكر منيح قبل كل خطوة عم تقوم فيها بعد منتصف الشهر رح يكون عندك تحركات جديدة وممكن تقوم بأعمال كنت مأجلها بتستعين ببعض الاشخاص المحيطن فيك والي بيمتلك الخبرة حتى تتجنب بعض الخسارات بعملك رح تكون طاقتك كبيرة بنهاية الشهر وعم تتمكن من حسم بعض القرارت وإدارة اعمالك بشكل جيد . انتبه لوضعك الصحي بالاسبوع الثاني واتبع حميةغذائية صحية لجسمك. العاطفة رح تكون مستقرة بنهاية الشهر ورح تكون قريب من قلب الشريك وتقدر تكسب محبته وتعاطفه معك . ماليا لاتتسرع باخذ القروض او طلب الديون وخلي مصروفك متوازن مع مدخولك رح تجيك فترات تحتاج مبالغ ماليا كبيرة
طاقة_ برجك هالشهر 64 % 

 
بـــــــــــ الأسد ـــــــــــرج
أحلامك كبيرة وعم تتحرك بمجال واسع لاتخلي الفوضى تعم حياتك ورتب مواعيدك عم تعمل جهدك لتحقق هدفك وتوصل لغايتك رح تكون خلال الاسبوعين الاول والثاني عملي وديناميكي وعم تفكر تجمع مبلغ مالي رح تبتعد عن الأجواء العائلية والمجاملات وتكون صريح بعباراتك وكلامك . بعد منتصف الشهر رح تكون أفضل وتهتم بالشريك وتتفرغ شوي الو ممكن تطلع معو مشوار او تسافر لمكان قريب رح يكون الشريك بحاجتك لانك انشغلت عنو فترة منيحة العلاقة رح تكون مستقرة لنهاية الشهر . ماليا رح يكون عندك دفع مبالغ كبيرة لكن بالمقابل رح تحصل على مال من مجهودك وتحقق ربح مالي . رح تهتم بالمشتريات المنزلية البسيطة . عليك ان تنتبه لصحتك هذا الشهر وان تمارس بعض التمارين الرياضية وتعطي لنفسك وقت للراحة بأيام عطلتك وتشوف رفقاتك وأحبابك لان رح تستمد طاقتك من احبابك وتقدر تكمل مشوارك
طاقة_ برجك هالشهر 78 % 

 
بـــــــــــ العذراء ـــــــــــرج
تمتلك الإرادة القوية والصلبة وتبدو متمسكا بأرائك وقرارتك مع بداية هالشهر رح يكون عندك عمل لساعات طويلة وتشعر بالتعب لكن عزيمتك وإصرارك لتحقق غايتك رح يعطيك الطاقة حتى تتمكن من متابعة مابدأت فيه . بعد عشرة ايام من الشهر فيك تعتمد على بعض الاشخاص بالعمل وممكن تشرف عليهم من بعيد رح يكون عندك اهتمامات إضافية او عمل إضافي وتوزع المهام على بعض الزملاء حولك. رح يكون في نتائج إيجابي ومردود مالي بنهاية الشهر يغطي المبالغ الكبيرة الي دفعتها الفترة الماضية حاول تعمل توازن لمصروفك ومشترياتك وخاصة اذا كانت عقارية او سيارة او موبايل . الامور العاطفية رح تهملها شوي وممكن يعتب عليك الشريك من تقصيرك خلال الشهر لكن رح تقضي الاسبوع الأخير مع الحبيب وتشعر بدفء العاطفة بينكما عاطفة الشريك ورقته رح تغمرك وتعيش أجواء رومنسية . تتلقى خبر سار بقدوم مولود جديد والعازب ممكن يوقع بالغرام ويحب من النظرة الاولى
طاقة_ برجك هالشهر 70 %

بـــــــــــ الميزان ـــــــــــرج
عم تتخلص من بعض العادات السلبية وتحقن مشاكلك مع الشريك بتحاول تعمل شي جديد خلال أول عشر أيام الأمور رح تكون صعبة شوي وممكن تواجه بعض العراقيل حاول تعمل تنظيم لوقتك وتتفرغ لأمورك الشخصية والعملية، بنهاية الأسبوع الثاني رح تنقلب الامور ورح تكون نفسيتك مرتاحة بتشعر بالإشراق والحيوية بتقوم ببعض الأعمال الإضافية وبتكون نشيط تتكشف الحقائق وبتوصل لنتيجة كنت ناطرها بنهاية الشهر بتحصل على فرصة عمل او مكافأة معنوية او ربما تشجيع من رؤسائك بالعمل. وضعك الصحي عم يكون حرج شوي لاتهمل صحتك وتابع برنامك الغذائي والرياضي بشكل مستمر ابتعد عن المنبهات والبهارت وممكن تعمل تحاليل تطمن ع حالك . الوضع المالي متقلب خلال الشهر وعندك مصاريف كبيرة تخص سفر او عمل تطوعي عندك قدرة كبيرة على العطاء وتقديم المساعدة للآخرين بالأسبوع الثالث تحصل على مبلغ مالي جيد وتنظم بعض المصاريف . عاطفيا تشعر بالاستقرار بعد منتصف الشهر ورح تكون رومنسي وتكبر عاطفتك نحو الشريك عم تكسب قلبه بمحبتك وتستوعب ظروفه فرصة امام العازبين للإرتباط
طاقة_ برجك هالشهر 66 % 
 
بـــــــــــ العقرب ـــــــــــرج
مع بداية هالشهر عم يكون في عندك فرصة عمل او تدخل بمشروع جديد انت متوتر ومتردد والقلق عم يسيطر عليك حاول ترجع لذاتك وتحكم عقلك اذا كنت قادر على عملك ام لا عليك التركيز على هدفك وبذل الجهد المناسب لحتى تثبت جدارتك وتواجه التحديات، منتصف الاسبوع الثاني رح تنقلب الامور لصالحك ورح تشعر بمحبة الآخرين نحوك وهالشي بيعطيك ثقة بنفسك بتستمر بخطتك العملية وبتابع فيها لتحصد نتائج جيدة بنهاية الشهر لازم تستفاد من الفرص الي أمامك وتكسب محبة الناس لأنها كنز ثمين إلك، الشريك ممكن ينتقدك ليقويك ويعطيك الدافع للأمام وانت ممكن ترجعلو ببعض الأمور على العازبين تأجيل البوح بمشاعرهم لنهاية الشهر وماتتسرع بإتخاذ قرار الإرتباط . الضغوط المالية الي عم تعاني منها رح تنزاح بنهاية الشهر وبتتمكن من تحقيق ارباح بسيطة لاحقا
طاقة_ برجك هالشهر 68 % 
 
بـــــــــــ القوس ـــــــــــرج
بتتميز مع بداية هالشهر بعلاقاتك الإجتماعية المتنوعة والمختلفة ولقاءات مع اشخاص مهمين وعندك حركة قوية بالعمل خلال الاسبوع الأول رح يكون وقتك مليان وماعندك وقت لتلتقي مع بعض الاصدقاء استغل الظروف المواتية إلك مع بداية الشهر واذا عندك قرار مهم فيك هلأ تاخدو لان بعد منتصف الشهر رح تمر بفترة بتعاكسك الظروف شوي او يكون في عندك عراقيل بتأثر على وضعك النفسي خلال الاسبوع الثالث عم تشعر بالتعب والإرهاق وممكن تأجل بعض الإلتزامات والمواعيد وخاصة اذا كان في موضوع بيخص بيع عقار رح يتأجل لوقت تاني . بالاسبوع الأخير بتستعيد حيويتك وبيرجعلك نشاطك وفيك تكفي المواضيع الي كانت واقفة. ماليا لاتغامر بمبالغ كبيرة واذا فيك تأجل شراء بعض الأثاث للمنزل او ربما سيارة لنهاية الشهر . العاطفة هالشهر رح تكون متأرجحة وبتمر بفترات بتعاني من بعض الخلافات مع الشريك حاول تستوعبه وتخفف من غرورك نحوه لتكسب محبته وإعجابه فيك
طاقة_ برجك هالشهر 70 % 
 
بـــــــــــ الجدي ـــــــــــرج
مع بداية هالشهر رح يكون في عندك عراقيل او مواضيع واقفة عليك ان تتحلى بالصبر والحكمة وتتجنب تاخد قرارات مهمة واذا كان في عندك اعمال ضرورية حاول تستشير اهل الخبرة وتسأل عنها قبل ماتبدأ بخطوتك، الضغوط الي عم تعاني منها ممكن تنعكس على علاقتك مع الشريك وتعصب على أبسط الأمور لهيك بنصحك تطول بالك للاسبوع الثاني بتكون نفسيتك ارتاحت وبلشت شوي تنحل الأمور ،بعض الأصدقاء بيساندوك وبيوقفو جنبك وهالشي بيعطك القوة وبتكسب الثقة بالنفس بيصير عندك تصميم وإرادة وبتتحكم بسير بعض الأعمال، مع نهاية الشهر تتجه الامور للافضل وتعطي إنتاج جيد وتقدم ملحوظ بالعمل . الضيق المالي رح ينفرج بالأسبوع الثالث وتقبض مبلغ جيد تقدر ترتب فيها امورك وتدفع بعض الفواتير الي كانت مؤجلة . علاقتك مع الشريك رح تتحسن وتحل بعض الخلافات كل طرف رح يعرف واجباته ويلتزم فيها وهالشي بيرجع الاستقرار والهدوء لعلاقتك الأسرية .
طاقة_ برجك هالشهر 66 % 
 
بـــــــــــ الدلو ـــــــــــرج
بتعاني من بعض المشاكل المالية وعم تبحث عن حلول لتطلع من أزمتك وممكن يكون في عندك أفكار أو مشاريع متطورة لكن البدء فيها رح يكون مطول شوي او تباشر فيها بنهاية الاسبوع الثالث . عم تلتزم ببعض القرارت والمواعيد الي عطيتها وعم يكون وقتك مليان باهتمامات إضافية لازم تركز بعملك لتقدر تحقق غايتك والاصدقاء مارح يعتبو عليك لان بيهمن مصلحتك خفف من عصبيتك وروء أعصابك لتبدأ بعمل جديد وتكون ناجح بعد منتصف الشهر بتسمع أخبار سارة وبترتاح نفسيا الأمور المالية رح تتحسن تدريجيا لكن بالمقابل خفف من مصروفك لتقدر تغطي نفقاتك ومصاريفك العائلية . اهتم بصحتك وماتهملها وخفف من تناول النشويات وفيك تمارس بعض التمارين الرياضية لتحافظ على لياقتك . العاطفة بتتأجج متتصف الشهر وبتميل نحو الرومنسية بتحظى بمحبة الشريك وبتشعر بالاستقرار رح تنسى الخلافات الي عانيت منها سابقة وتتغاضى عن بعض اخطاء الشريك العفوية
طاقة_ برجك هالشهر 69 % 
 
بـــــــــــ الحوت ـــــــــــرج
عم تشعر بالاستقرار مع بداية الشهر أمورك العملية منتظمة وعم تتوقع الأفضل،الحبيب عم يدعمك فكريا ومعنويا وهالشي عم يخليك مرتاح. بالك مشغول على أحد أفراد العائلة ورح تبحث عن حل يريحه. انتبه لصحتك بالاسبوع الثاني من الشهر ربما تتعرض لوعكة صحية مفاجأة لاتعرض حالك للخطر وتستعمل أدوات حادة وانتبه وانت عم تسوق السيارة من حوادث السير . بتشعر ببعض التوتر بالأسبوع الثالث وبتواجه مشكلة بالعمل لكن هدوء أعصابك رح يفيدك وتخرج من محنتك بسلام . رح يكون في معاملات مالية جديدة وأخذ وعطاء . بتترتب عليك مبالغ مالية من مشتريات كبيرة أو تصليح أشياء ثمينة بالمنزل ،مبلغ مالي رح يوصلك بنهاية الشهر دون جهد كبير وربما تحصيل ميراث او ربح جائزة . بنهاية الشهر تمتلك مشاعر كبيرة نحو الشريك بتشعره بالحب والحنان ورح تكون رومنسي وجذاب وتلفت نظر المعجبين اذا كنت غير مرتبط رح تسمع كلمات الإعجاب والإطراء وتشعر بثقتك بنفسك وممكن توقع بالغرام
طاقة_ برجك هالشهر 75 % 

LEAVE A REPLY

Please enter your comment!
Please enter your name here