كشرى من المطبخ المصرى

المقادير

• 3 x معلقة صغيرة ملح

• 2 x كوب عدس (غامق)

• 2 x معلقة كبيرة زيت عباد شمس

• 2 x عدد بصلة

• 1 x كوب شعرية

• 1 x كيلو مكرونة (مقصوصة + سباجتى)

• 1 x كوب أرز عادى

مقادير طريقة تسوية المكرونة

• 200 x جرام مكرونة (او نصف كيس)

• 2 x لتر ماء

• 2 x معلقة صغيرة ملح

مقادير الصلصة الحمراء (صلصة الطماطم)

• 7 x عدد طماطم

• 2 x معلقة كبيرة صلصة طماطم

• 2 x عدد فص ثوم (مفروم أو مقطع شرائح)

• 1 x معلقة كبيرة زبدة

• 1 x معلقة صغيرة ملح

• 1 x معلقة صغيرة فلفل اسود مطحون

• 1 x عدد بصلة

• 1 x عدد مكعب مرقة دجاج

مقادير الدقة – صوص الثوم المصرى

• 8 x عدد فص ثوم (مفروم)

• 3 x معلقة صغيرة كمون

• 2 x عدد ليمونة

• 2 x معلقة صغيرة شطة (ناعمة)

• 1 x معلقة صغيرة ملح

• ½ x كوب خل

• ¼ x كوب ماء

مقادير حمص مسلوق

• 5 x كوب ماء

• 1 x كوب حمص

الخطوات

1. هننقع الرز فى ماء لمدة ساعة وبعدين نغسله ونصفيه

2. هنغسل العدس وننقعه فى الماء لمدة ربع ساعة

3. هنقطع البصل شرائح صغيرة ونضيفه فى طاسة على النار مع شوية زيت ونقلبه لحد ما يتحول للون الذهبى ونرفعه من على النار ونصفيه كويس ونحتفظ بالزيت

4. فى حلة على النار هنضيف باقى زيت البصل والعدس ومعلقتين صغيريين ملح و4 أكواب ماء ونسيبه يغلى

5. هنسيب العدس يستوى لمدة حوالى 10 دقائق لحد ما يبقى طرى ونصفيه ونسيبه على جنب ونحتفظ بماء السلق

6. فى حلة على النار هنضيف شوية زيت ونضيف عليهم الشعرية ونقلبها كويس لحد ما تتحول للون الذهبى

7. هنضيف على الشعرية 2 كوب من ماء سلق العدس ومعلقة ملح صغيرة ونسيبه يغلى

8. هنضيف الأرز للشعرية بعد ما الماء يغلى ونقلبه كويس ونغطيه ونسيبه على نار هادية لحد ما يشرب الماء

9. هنحضر المكرونة

   1. نغلي الماء في حلة كبيرة
   2. نضيف الملح
   3. نضيف المكرونة و نقلبها باستمرار علشان متعجنش
   4. نسيبها من 8 لـ 12 دقيقة تغلي مع الماء و بعد ما تستوي صفيها من الماء

10. هنخلط الرز والعدس والمكرونة فى حلة كبيرة

11. هنحضر الصلصة

    1. نقطع الطماطم مكعبات ونضربها فى الخلاط مع صلصة الطماطم ونصف كوب ماء و تترك جانبا.
    2. نفرم البصل بالوجه الناعم من المبشرة.
    3. فى حلة هنسيح الزبدة ونضيف البصل والثوم ونقلبهم جيدا لحد ما يبقى لونهم ذهبى.
    4. نضيف عصير الطماطم ونقلب جيدا.
    5. نضيف الملح والفلفل ومرقة الدجاج ونقلب كويس لحد ما الخليط يتماسك.
    6. نضيف الصوص للطعام على حسب الحاجة .

12. هنحضر الدقة

    1. نخلط الثوم والكمون والشطة والملح كويس.
    2. فى حلة صغيرة هنضيف الخليط ونضيف الخل والماء ونعصر الليمون ونقلبهم على النار كويس.
    3. هنسيب الخليط يغلى وبعدين نرفعه من على النار ونسيبه يبرد ويبقى جاهز للاستخدام.

13. هنحضر الحمص

    1. هننقع الحمص فى الماء لمدة ساعة.
    2. هنصفى الحمص ونغسله كويس.
    3. هنغلى ماء على النار فى حلة كبيرة وبعد ما تغلى هنضيف الحمص ونسيبه يغلى مع الماء لمدة 10 دقائق.
    4. بعد 10 دقائق هنرفعه من على النار ويبات فى الماء لليوم التالى.
    5. هنقدم الحمص مع الشطة والليمون أو نستعمله فى وجبات تانية على حسب الحاجة.

14. هنقدم الكشرى مع الصلصة والدقة والحمص