Home مقابلات ماذا قال الموسيقار ملحم بركات و نزار فرنسيس وطوني سابا عن محمد...

ماذا قال الموسيقار ملحم بركات و نزار فرنسيس وطوني سابا عن محمد عساف ؟

857
0

 

نزار فرنسيس تصوير – رجا ماضي

نحن اليوم باستوديو طوني سابا بوجود الموسيقار ملحم بركات و الشاعر نزار فرانسيس و الموزع طوني سابا و محبوب العرب النجم الفلسطيني محمد عساف حيث يسجل أغنيته.

كاميرا شارع الفن كانت هناك حصريا و كان لنا لقاء مع العمالقة:

” أستاذ نزار كيفك شو اخبارك خبرني؟ بعد نجاح (يا حلالي و يا مالي)”

بضحكة يقولها: “شو أخباركن خبرونا؟ خليني إحكي بالأول عن غنية يا حلالي و يا مالي اللي عم تاخود حقها و نجاحاتها الكبيرة، اغنية كتير حلوة الحمدالله و هيدا أكيد بصوت محبوب العرب محمد عساف اللي ابدع بالغنية و غناها من قلبو. فاديا نحنا اليوم عم منسجل غنية عساف الجديدة…”

“خليني إسالك بس: ليش ورا بعضن؟”

” هيدا نشاط من محمد عساف و الفريق  اللي معو لأنو شركة بلاتينوم ريكوردز  شغلة مهمة من ناحية إحتضانها لمحمد عساف و لأنا عم تابع كل أعمالو و حضنتو مزبوط و عم بتقوم بمشروع تحضيري متواصل لأنو النجم هيك بدو يكون مين حده بهالطريقة. و محمد عساف متل ما إلتلك نشيط و بحب فنه، لو كان إلو عمل جديد، لازم يكون عندو أعمال مجهزة و محضرة ليكون مشواره مليان، مش عندو فرغات إذا بدك، خاصة فاديا هو بعدو بالبداية و تقليعته كتير مهمة و نجوميته على مستوى العالم العربي شغلة اليوم صرنا فاقدينا، شب جديد اليوم يكون عندو نجومية بالعالم العربي”

” اليوم الغنية اللي نحنا موجودين كرمالها باستوديو الموزع طوني سابا من ألحان الموسيقار ملحم بركات، مش رح يكون شوي صعب بما إنو بأول طريقه ؟”

” لأ، منا صعبة عليه أبدا و لو إنو بأول طريقه، هو صوت حلو كتير، صوت قادر إنو يغني كل ألوان الغناء و اللحن كتير حلو، و أنا شايف إنو كتير بيلبقلو لمحمد و هو لحن منو طربي، فيك تقولي لحن شعبي حلو بس دسم إذا بدك. الغنية حلوة كتير و الإستاّذ ملحم بركات  لو ما اقتنع بصوته و قدراته، ما كان أعطاه اللحن اكيد”

” أستاذ نزار، لمحمد عساف شو بتقول؟”

” محمد عساف حبيبي، صوت رائع، شخصية مميزة طيوبة و اللي بدو قلو اياه إنو هو محبوب العرب و دخل قلوبن عبر صوته القوي العذب الرائع، و يا فاديا إنتي و شارع الفن و جان فريسكور حبيب القلب ان شا الله كل إيامكن فن و فرح، نزار فرانسيس”

DSC_0010

ملحم بركات:

محمد عساف صوت رائع و مميز و قوي و أنا عندي ثقة كبيرة فيه إنو رح يقدم الغنية بشكل اروع من الروعة و إنو كل أعماله رح تنجح لأنو فنان بكل معنى الكلمة

طوني سابا:

و بسؤلنا الموزع طوني سابا عن محمد عساف، قال:

“محمد عساف حبيب قلبي و عندي معو كزا تعامل و أنا من أشد المعجبين بصوته و قدراته، أما بالنسبة لغنيته مع الموسيقار ملحم بركات، عندي ثقة إنها رح تلاقي نجاح كبير و تزيد على رصيده الفني كتير”

كما أخبرنا الموزع طوني سابا عن أعمال كتير كبيرة مع كبار الفنانين مخبركن عنا لاحقًا

فاديا العلي و جان فريسكور

1 COMMENT

  1. صدقتوا والله.والله إنتو كمان الله يعينكم واقفين إلى جنب محبوبنا عساف.شكرا إلكم

  2. عساف بيستاهل كل خير ..هو فنان مميز ومحبوب من الناس .. الله يوفقه يارب ويزيده نجاح كمان وكمان .. احلى 442 ♥

  3. بانتظاااااااااااااااار كل جديد لمحبوبنا الغالي الله يوفقه ويحميه #442

  4. اللللة يوفقك محبوب العرب نزار فرنسيس ملك الشعرا وملحم بركات الموسيقار الكبير يسعدكم جميعا والموزعين طوني سابا كلكم كل متكامل

  5. الله يوفقه محبوب العرب ما بينشبع من صوته مستنين كل جديد
    وفخوريين بشهادة العظماء بفنه

  6. الله يحماك يا محبوب العرب ماشاء الله عندك صوت رؤؤؤعة وموهبتك رائهة وانا عارف انك قد المسؤولية الله يوفقك وصوتك والله ما بينشبع منوو انا بالنسبة الي دايما عم اسمع اغانيك من وانت صغير لحد هلا ماشاء الله فخامة صوتك رؤؤؤعة وانا دايما بفتخر انك من بلادي الله يحماك حتر في الاعراس دايما اغانيك في المقدمة ماشاء الله وهلا اغنية الجديدة يا حلالي يا مالي منتشرة في كل العراس وعم يدبكو عليها هههههه رؤؤؤؤعة يا عساف الله يحماك

  7. عساف حاله مميزة ما بتشبهه حدا .كلنا بفلسطين ال48من النقب لصفد..بنعشق عساف وفخورين فيه.ورح ندعموووو للاخر ..وعندنا امل انو رح يكسر اكثر ..وﻻا اشي لسه شفتوو من عساف عساف عندووو طاقات مخبايه.لسه محدا شافها..ورح تشوفو ….عساف فنان عالمي ..ويسعدلي ربك.

  8. هاي اكبر شهادة لمحمد عساف من الموسيقار ملحم بركات وعلى فكره ملحم بركات مابيعجبه اي حد بسهوله بقول لمحمد عساف الله يحميك ويبعد عنك العين ويوفقك واستمر باخلاقك العاليه وصوتك الالماسي
    442

Leave a Reply to sara Cancel reply

Please enter your comment!
Please enter your name here