أحمد العوضي عن أزمته الصحية , ياسمين عبدالعزيز مسابتنيش لحظة

كشف الفنان أحمد العوضي تفاصيل حالته بعد الأزمة الصحية التي تعرض لها مؤخرا، واستلزمت نقله للمستشفى

وكتب قائلا : الحمد لله رب العالمين والكلام اللي اتقال كلام كتير وده طبعًا بشوفه حب من الناس والاهتمام، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه

وقلت أنا هتمرن وأشتغل عادي لحد ما حصلي رعشة وروحت للدكتور وقالي لازم أقعد 4 أيام في المستشفى عشان الإهمال اللي بعمله

وعن زيارة ياسمين عبد العزيز له في المستشفى برغم الانفصال، قال: “أنا وياسمين حالة خاصة جدًا وإحنا قصة كبيرة والعالم العربي كان معانا قلبًا وقالبًا والانفصال تم بطريقة تليق بينا وبحب الناس لينا”.

ياسمين أول ما سمعت إني دخلت المسشتفى وجالي التهاب في الشعب الهوائية رغم إننا متطلقين، بعتتلي قالتلي أنت كويس؟ والمفروض هروح، وهي أول واحدة قولتلها وأنا روحت المستشفى

لقيت ياسمين داخلة عليا وبتطمن ومسابتنيش لحظة وده مش جديد عليها أنا حبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم بينى وبين ياسمين عبد العزيز كل احترام